Seanca në Gjykatën e Posaçme për dosjen “Metamorfoza” është shtyrë për biznesmenin Pëllumb Gjoka, ish shefin e Operacionales Oltion Bistri, Xhevahir Litën, ish polici Ardit Hasanbegaj dhe personat e tjerë.
Shkak i shtyrjes së seancës është zëvendësimi i avokatit të Edmond Prekës që kërkoi që të njihej me dosjen. Seanca e radhës do të jetë me 26 qershor në orën 08:30.
Biznesmeni Pëllumb Gjoka akuzohet për vrasjen e Gjin Ndojit në vitin 2020 si dhe për bashkëpunim në dy vrasje të tjera. Ndërsa ish-prokurori Xhevahir Lita dhe ish-shefi i Forcave Operacionale të Policisë, Oltion Bistri akuzohen për korrupsion dhe nxjerrje te sekretit.
