Presidenti i Francës, Emmanuel Macron, në samitin e G7 në Kanada, deklaroi se një ndryshim regjimi në Iran përmes mjeteve ushtarake do të ishte një gabim i madh dhe do të sillte kaos në rajon. Ai theksoi se është e nevojshme që kombet të kthehen në tryezën e negociatave për të diskutuar programin bërthamor iranian.
“Unë besoj se kemi nevojë që Shtetet e Bashkuara të Amerikës t’i sjellin të gjithë përsëri në tryezën e bisedimeve,” u shpreh Macron, sipas raportimeve të Reuters dhe agjencisë AFP.
