Ministri për Evropën dhe Punët e Jashtme, Igli Hasani, ka njoftuar se pesë shqiptarët e evakuuar dje nga Izraeli mbërritën në Athinë në orët e para të mëngjesit.
Tre prej tyre kanë mbërritur tashmë në Tiranë, ndërsa njëri pritet të kthehet sonte, ndërsa personi i pestë do të qëndrojë në Greqi, pasi është rezident atje.
Evakuimi u mundësua nga Ministria e Jashtme, me mbështetje nga ambasadat shqiptare dhe autoritetet izraelite, greke e bullgare.
Ministri Hasani falënderoi të gjitha palët e përfshira për bashkëpunimin.
Ai gjithashtu shprehu mbështetje për të drejtën e Izraelit për mbrojtjen e qytetarëve dhe bëri thirrje për uljen e tensioneve me Iranin.
