Prokuroria e Fierit ka përfunduar hetimet dhe ka dërguar në gjyq dy persona, njëri prej të cilëve i mitur, për veprën penale “Vrasje me paramendim”.
Ngjarja ndodhi më 11 mars 2024 në lagjen “Kongresi i Përmetit” në Fier, ku pas një konflikti të nisur në rrjetet sociale, dy të akuzuarit janë përplasur fizikisht me viktimën Grei Bihuci, duke i shkaktuar vdekjen e menjëhershme.
Gjatë ngjarjes, dy personat kishin me vete armë të ftohta dhe vepruan në bashkëpunim. Prokuroria kërkon dënimin me 25 vjet burg për të rriturin F.M., ndërsa për të miturin K.M., kërkohet dënimi me 12 vite e gjysmë burg.
