Shpërthime u dëgjuan këtë mëngjes në Jerusalem dhe Tel Aviv, raportuan gazetarët e AFP-së, menjëherë pasi ushtria izraelite lëshoi një paralajmërim kundër një lëshimi të ri raketash balistike nga Irani, duke shkaktuar alarme në sektorë të ndryshëm të vendit.
Sipas korrespondentëve të AFP-së, shpërthimet u dëgjuan rreth orës 07:10 dhe janë më të fuqishmet që kanë dëgjuar që nga shpërthimi i luftës Izrael-Iran më 13 qershor.
Mediat izraelite raportuan sulme raketore iraniane në të paktën katër vende: Në Beersheba, ku u godit një spital, në Tel Aviv, Ramat Gan dhe Holon.
Megjithatë, një zëdhënës i ushtrisë izraelite njoftoi pak më parë se qytetarët tani mund të largohen nga strehimoret, pasi niveli i alarmit është ulur.
