Shefi i shtabit të Forcave të Mbrojtjes së Izraelit, Eyal Zamir ka deklaruar se Izraeli ka shkatërruar rreth gjysmën e lëshuesve të raketave të Iranit. Zamir në një deklaratë për shtyp paralajmëroi se vendi duhet të përgatitet për një fushatë të zgjatur ushtarake kundër Republikës Islamike.
“Falë një goditjeje të fuqishme dhe befasuese, kemi arritur rezultate jashtëzakonisht të mira,” u shpreh Zamir.
Ai theksoi se pilotët izraelitë po operojnë në distanca dhe intensitet të paparë më parë në historinë e forcave ajrore të vendit. Gjithashtu ai paraljmëroi se konflikti nuk ka përfunduar dhe se vendi duhet të përgatitte për zhvillime të shumta të mundshme.
“Megjithëse kemi arritur suksese të mëdha, ditë të vështira na presin ende,” përfundoi ai.
