Deputetja e Partisë Demokratike, Jorida Tabaku ka reaguar në rrjete sociale mbi rritjen e çmimeve në Shqipëri. Tabaku e ka cilësuar këtë fenomen si një realitet të padrejtë për qytetarët. Ajo thotë se Shqipëria konkurron me Bashkimin Europian për çmimet e larta.
Ajo nënvizon se sipas të dhënave zyrtare për vitin 2025, çmimet për produktet bazë si djathi, qumështi, vezët dhe vaji janë përkatësisht 25-30% më të larta se mesatarja e BE-së.
Ndërkohë, karburanti mbetet ndër më të shtrenjtët në rajon, duke arritur çmime që kapin kufirin e 2 dollarëve për litër – të barabarta me ato të Zvicrës, tha Tabaku.
“Ky është realiteti shqiptar: paga afrikane, çmime europiane!”, deklaron ajo.
