Ministri i Jashtëm Igli Hasani po merr pjesë në Samitin e NATO-s në Hagë, si pjesë e delegacionit të kryesuar nga Kryeministri Edi Rama.
Në Takimin e Këshillit NATO-Ukrainë, Hasani riafirmoi mbështetjen e palëkundur të Shqipërisë për Ukrainën dhe vlerësoi rolin udhëheqës të SHBA-së në zgjidhjen e krizës në Lindjen e Mesme. Ai theksoi gjithashtu rëndësinë e unitetit dhe qëndrueshmërisë së Aleancës.
Gjatë samitit, Hasani do të zhvillojë takime me homologë nga vendet aleate, me fokus sigurinë dhe stabilitetin euroatlantik.
