Katari ka intensifikuar përpjekjet për të ndërmjetësuar një armëpushim të ri në konfliktin mes Izraelit dhe Hamasit në Rripin e Gazës. Sipas një deklarate të zyrtarit të Hamasit, Taher al-Nunu, komunikimet mes Katarit dhe Egjiptit si ndërmjetës kanë hyrë në një fazë më të ngjeshur, megjithatë ende nuk ka një propozim konkret për paqe.
Nga ana tjetër, presidenti amerikan Donald Trump ka deklaruar se po bëhet “përparim i madh” drejt një marrëveshjeje për ndalimin e luftës në Gaza. Ai e lidhi këtë optimizëm me arritjen e një armëpushimi paraprak mes Izraelit dhe Iranit, duke shtuar se lajme të mira për situatën në Gaza mund të vijnë së shpejti.
Konflikti në Gaza ka hyrë në muajin e 21-të dhe përpjekjet për ndërmjetësim deri më tani nuk kanë dhënë rezultat konkret, megjithëse diplomacia ndërkombëtare po përpiqet ta shtyjë palët drejt një marrëveshjeje.
