Kryeministri i Mbretërisë së Bashkuar, Keir Starmer, në samitin e NATO-s në Holandë, theksoi rëndësinë e stabilizimit të rajonit dhe ruajtjes së armëpushimit mes Izraelit dhe Iranit. Ai nënvizoi nevojën që Irani të rikthehet në tryezën e bisedimeve me Shtetet e Bashkuara për të siguruar një fund të plotë dhe të verifikueshëm të programit bërthamor iranian.
“Po përdorim çdo mjet diplomatik për të mbështetur këtë përpjekje,” tha Starmer, duke vënë theksin tek rëndësia e bashkëpunimit ndërkombëtar për paqen në rajon.
