Një valë e fuqishme zjarresh po përfshin rajone të ndryshme të Turqisë, duke shkatërruar mijëra hektarë pyje dhe duke kërcënuar banesat dhe burimet natyrore. Erërat e forta, që arrijnë deri në 117 km/orë, po e vështirësojnë punën e mijëra zjarrfikësve dhe mjeteve ajrore, të cilët po përpiqen të vendosin flakët nën kontroll.
Në qytetin Izmir janë evakuuar pesë lagje pasi flakët u afruan pranë zonave të banuara. Forcat zjarrfikëse dhe shërbimet pyjore po luftojnë me situatën me mbi 1100 persona, 122 automjete zjarrfikëse dhe 74 cisterna uji, por rreziku mbetet i lartë.
