Ka nisur sot rinumërimi i votave në qarkun e Fierit, pas kërkesës së PD dhe vendimit të KAS. Do të rinumërohen 587 kuti në total, në një garë ku fati i mandatit të fundit luhet mes PS dhe koalicionit “Shqipëria Bëhet”, që i duhen edhe 18 vota.
Nga 6 kutitë e para, PS ka fituar 5 vota më shumë, PD humb 1, ndërsa PSD merr 2 vota shtesë.
Brenda listës së PS, gara është e ngushtë mes Zegjine Caushit dhe Maldrina Bardhos, me vetëm 64 vota diferencë. Rinumërimi pritet të zgjasë 4 ditë. Ironikisht, PD nuk është në garë për mandat, megjithëse është kërkuesja e rinumërimit.
