Kryetari i Partisë Republikane, Fatmir Mediu, në fjalën e tij në Asamblenë Parlamentare të OSCE-së, përshkroi Kinën, Iranin dhe Korenë e Veriut si shtyllat kryesore që mbështesin agresionin rus ndaj Ukrainës.
Ai theksoi se këto vende minojnë sigurinë evropiane duke ndihmuar Moskën të vazhdojë luftën.
Mediu përmendi furnizimin me dronë nga Irani dhe bashkëpunimin ekonomik të Kinës me Rusinë, duke shtuar se Kina ka ndihmuar në tejkalimin e sanksioneve dhe sigurimin e burimeve për agresionin.
Ai gjithashtu vuri në dukje rëndësinë e një qasjeje të unifikuar përballë kërcënimeve që këto vende paraqesin ndaj stabilitetit rajonal dhe evropian.
