Një zjarr i fuqishëm ka përfshirë sot një sipërfaqe të madhe me ullinj në fshatin Balëz, në njësinë Bradashesh të Elbasanit.
Flakët kanë nisur rreth orës 11:55 dhe janë përhapur shpejt për shkak të erës dhe vapës.
Zjarri ka shkaktuar dëme të mëdha materiale dhe rrezikon zonat përreth. Forcat zjarrfikëse dhe mbrojtja civile janë në terren
, por përballen me vështirësi për shkak të terrenit të thyer dhe intensitetit të flakëve. Banorët janë vënë në alarm dhe disa po ndihmojnë me mjetet e tyre.
Nuk ka të lënduar, por dëmet në ullishta janë të konsiderueshme. Shkaku i zjarrit mbetet ende i paqartë dhe autoritetet po hetojnë.
