Kryeministri francez Francois Bayrou i ka mbijetuar mocionit të tetë të mosbesimit në parlament, pasi Tubimi Kombëtar (RN) nuk e mbështeti nismën e ngritur nga socialistët.
Megjithatë, pozita e tij mbetet e lëkundur, pasi përballja me një buxhet sfidues për vitin 2026, që kërkon 40 miliardë euro shkurtime, mund të ndezë sërish krizë politike në muajt në vijim.
RN, partia më e madhe në Asamblenë Kombëtare por pa shumicë, zgjodhi të përmbahet për tani, duke lënë të hapur mundësinë e përballjeve të reja më vonë këtë vit.
Socialistët e propozuan mocionin pas dështimit të negociatave për reformën e pensioneve, për të cilën Bayrou kishte kërkuar mbështetjen e tyre më herët.
