Presidenti amerikan, Donald Trump dhe homologu rus Vladimir Putin zhvilluan sot një bisedë telefonike. Fokusi i bisedës së tyre ishte situata në Lindjen e Mesme dhe konflikti në Ukrainë.
Sipas burimeve nga Kremlini, telefonata zgjati rreth një orë. Putin theksoi rëndësinë që çështja e Iranit të zgjidhet vetëm përmes mjeteve diplomatike. Ndërsa Trump nënvizoi sërish nevojën për ndaljen e konfliktit në Ukrainë.
Putin deklaroi se Moska vazhdon të kërkojë një zgjidhje përmes negociatave për Ukrainën dhe shprehu gatishmërinë për të vijuar bisedimet.
Gjithashtu uroi edhe Trump me rastin e Ditës së Pavarësisë më 4 korrik dhe theksoi kontributin historik të Rusisë në formimin e shtetit amerikan.
