Kievi u godit nga një breshëri sulmesh me dronë. Sulmet erdhën disa orë pas një telefonate midis presidentit të SHBA-së, Donald Trump dhe atij të Rusisë, Vladimir Putin.
Pas telefonatës Trump tha se ishte “i zhgënjyer” që Putini nuk ishte gati t’i jepte fund luftës kundër Ukrainës.
Alarmet për sulme ajrore u dëgjuan për më shumë se tetë orë, ndërsa disa valë sulmesh goditën Kievin, “objektivin kryesor të sulmeve”, thanë forcat ajrore në aplikacionin e mesazheve Telegram.
Sipas autoriteteve ukrainase, sulmet gjatë natës dëmtuan infrastrukturën hekurudhore, ndërsa shkolla, ndërtesa dhe makina u vunë në flakë në të gjithë Kievin.
