I nxehti ka prekur Europën dhe vendin tonë, si dhe temperaturat priten që të jenë edhe më të larta gjatë këtij muaji korrik.
Temperaturat e larta kanë sjellë që shumë qytetarë të paraqiten në urgjencën e sumundjeve të brendshme në QSUT. Mjekët këshillojnë që personat që kanë sëmundje kronike ose që kanë kaluar më parë episode si hemoragji cerebrale të kenë kujdes të shtuar, si dhe të konsumojnë shumë ujë.
Gjithashtu rekomandohet që mos të dalin pas orës 9 paradite dhe para orës 7 pasdite. Këshillohet që të përdorin ushqime të lehta, fruta, perime dhe lëngje të freskëta, si dhe të konsumojnë mbi 1 litër ujë.
