Aksioni për shembjen e ndërtimeve pa leje në Theth është shoqëruar me tensione dhe përplasje mes banorëve lokalë dhe autoriteteve.
Gjatë nisjes së punimeve nga Inspektorati Kombëtar i Mbrojtjes së Territorit (IKMT), banorët janë kundërshtuar ashpër, duke u shprehur se po mbrojnë pronat e tyre dhe se ndërhyrja është e padrejtë.
Në disa pamje të publikuara shihet se përplasjet kanë qenë edhe fizike, ndërsa banorët janë përplasur me policinë dhe punonjësit e IKMT-së.
Ata kërkojnë që të respektohet e drejta e tyre mbi tokën dhe ndërtimet, duke denoncuar mënyrën si po zhvillohet aksioni.
Autoritetet nga ana e tyre po vijojnë me shembjen e ndërtimeve, duke theksuar se veprohet në bazë të ligjit dhe për të mbrojtur territorin.
