Kreu i Partisë Demokratike, Sali Berisha në konferencën për shtyp u ndal tek lirimi i Ervin Salianjit nga burgu. Berisha u shpreh se edhe pas lirimit nga qelia, Salianji është një drejtues aktiv i Partisë Demokratike dhe do të japë kontributin e tij.
“Ervin Salianji është një drejtues aktiv i PD dhe do jap kontributin e tij. Ju garantoj se ai do të damkosë në të gjitha shkallët ndërkombëtare të gjyqësorit, sepse qëllimi i Edi Ramës ishte t’i këpuste karrierën politike që ai të mos kandidonte më për në Parlament sepse e kishte tmerr. Edi Rama dhe Fatmir Xhafa, dy bos kryesorë të organizatës kriminale të narkoshtetit u plagosën rëndë nga denoncimet e Salianjit.”, tha Berisha.
