Kryetari i Aleancës për Ardhmërinë e Kosovës, Ramush Haradinaj, pas dështimit të 44-të të seancës konstituive të Kuvendit të Kosovës, tha se kryeministri në detyrë, Albin Kurti ka ndarë mendjen me bë keq për Kosovën, duke harxhuar këtë kohë të tridhjetë ditëshit pa rezultate. Haradinaj, tha se partitë politike janë peng të Vetëvendosjes e të Kurtit.
“Ne jemi peng të Vetëvendosjes, të Kurtit ai nuk e ka shumicën politike nuk dëshiron me e bë. Ky komisionin për votim të fshehtë u bë pa koordinim të Kuvendit edhe presidentja tha se është dashur të merret mendimi i Kuvendit. Po kërkojmë me u kthye në kushtetutshmëri, por nuk po ndodh, jemi peng i tij ka ndarë mendjen me bë keq për Kosovën keq e më keq… Dëshiron me e harxhua këtë kohë të tridhjetë ditëshit pa rezultate”, tha Haradinaj.
