Gjykata Themelore e Fierit shpalli sot fajtor Ilir Nukajn për veprën penale “plagosje e rëndë me dashje, me pasojë vdekjen” ndaj Namik Rustemit dhe e dënoi me 12 vite burgim. Ndryshe nga kërkesa e Prokurorisë që kërkoi 10 vite, trupa gjykuese vendosi dënimin më të rëndë.
Pas vendimit, familjarët e viktimës reaguan me fyerje dhe kanosje në sallën e gjykatës, ndërsa mbesa e viktimës u shoqërua nga policia pasi kundërshtoi daljen nga godina dhe dëmtua derën kryesore të gjykatës. Prokuroria e Fierit ka nisur procedimin ndaj saj.
Ngjarja ndodhi më 13 tetor në fshatin Povelçë, ku viktima u sulmua jashtë dyqanit të tij ushqimor pas refuzimit për të shitur alkool.
