Autoritetet ukrainase kanë arrestuar një baba dhe djalin e tij nga Kina, të dyshuar për përpjekje për të vjedhur informacion sekret mbi raketat “Neptun”, të rëndësishme në mbrojtjen ndaj agresionit rus.
Djali, ish-student në Ukrainë, kishte siguruar të dhëna teknike, ndërsa i ati kishte ardhur për ta ndihmuar.
Kjo është hera e parë që qytetarë nga Kina përfshihen në një rast të tillë që nga nisja e luftës.
Pekini u shpreh se po verifikon informacionet dhe do të mbrojë të drejtat e tyre.