Një 41-vjeçar nga Maqedonia e Veriut u arrestua, pasi kërkohej nga autoritetet austriake për disa vepra të rënda penale.
41-vjeçari Musli Aslani ishte shpallur në kërkim ndërkombëtar, pasi ndaj tij është lëshuar urdhër arresti nga Zyra e Prokurorit Publik Innsbruck, Vjenë, Austri, për kryerjen e veprave penale “Trafikim droge”, “Kërcënim i rrezikshëm”, “Zhvatje e rënduar”, dhe “Plagosje”.
Këto vepra janë të parashikuara nga Kodi Penal Austriak, ku parashikohet një dënim maksimal deri në 20 vjet burgim.
Gjatë kontrollit fizik, 41-vjeçarit iu gjet një sasi lënde e dyshuar narkotike kanabisi, e cila u sekuestrua në cilësinë e provës materiale. Ndërkohë Interpol Tirana vijon procedurat ligjore për ekstradimin e tij, në bashkëpunim me autoritetet austriake.
