Ministri i Jashtëm rus, Sergei Lavrov reagoi ndaj ultimatumit prej 50 ditësh të dhënë nga presidenti amerikan Donald Trump për përfundimin e luftës në Ukrainë.
“Pesëdhjetë ditë? E kemi kaluar. 24 orë? Edhe ato i kemi përjetuar. 100 ditë? I kemi parë të gjitha”, u shpreh Lavrov.
Ai shtoi se Rusia nuk ka ndërmend të dorëzohet përballë presioneve nga Uashingtoni.
Trump paralajmëroi se nëse Moska nuk ndal luftën brenda 50 ditësh, do të përballet me tarifa dytësore deri në 100%. Sipas Reuters, presidenti Vladimir Putin nuk është i impresionuar dhe synon ta vazhdojë luftën derisa Perëndimi të pranojë kushtet e tij.
