Leonard Mnella i cili u ekstradua vitin e kaluar nga SHBA në Shqipëri, është dërguar sot në Itali për të përballuar dënimin që ka atje.
Ai është i njohur me tre emra të ndryshëm dhe kishte arritur të deklarohej i vdekur në vitin 2003.
Në Itali Mnella është dënuar me 25 vite burg për krime të ndryshme, si pjesëmarrje në organizatë kriminale, rrëmbim personi, tentativë zhvatjeje, shkelje ligjore për armët dhe trafik droge në sasi të mëdha.
Arrestimi i tij në SHBA në vitin 2024 u bë i mundur falë bashkëpunimit mes policisë shqiptare dhe agjencive amerikane të zbatimit të ligjit.
