Kontrolle të papritura janë zhvilluar në institucionet e vuajtjes së dënimit në Peqin dhe Elbasan gjatë natës dhe orëve të para të mëngjesit.
Verifikimet kanë përfshirë jo vetëm kontrollin fizik për sende të ndaluara, por edhe shqyrtimin e kartelave të takimeve të disa të dënuarve.
Pas këtij inspektimi janë ndërmarrë ndryshime në nivel drejtuesish.
Altin Ago është emëruar në krye të burgut të Peqinit, ndërsa Qazim Hoxha ka marrë drejtimin e burgut të Elbasanit.
Lëvizjet vijnë si pjesë e masave për rritjen e sigurisë dhe mbikëqyrjes në institucionet penitenciare të vendit.
