Ditën e sotme aksioni për lirimin e hapësirave publike ka nisur edhe në Lezhë. Policia bashkiake, përfaqësues nga IKMT, IMT dhe tatimet kanë ushtruar kontrolle në ndërtimet pa leje.
Deri tani nga kontrollet, rezulton se pjesa më e madhe e objekteve janë ndërtuar në vitet e shkuara dhe disa kanë dokumentacion të rregullt. Ndërsa për ndërhyrjet pa leje është dhënë një afat 5-ditor për prishje vullnetare, nëse jo do të ndërhyjnë strukturat e IKMT.
Nënkryetari i bashkisë Lezhë, Fatjon Zefi tha se gjatë kësaj jave do të bëhet evidentimi i të gjitha rasteve dhe ndërhyrjet do të nisin javën e ardhshme për subjektet që nuk veprojnë vetë.
