Papa Leoni XIV po planifikon të vizitojë Turqinë me rastin e 1700-vjetorit të Sinodit të Parë Ekumenik të Nikesë.
“Shpresoj të mund të shihemi sërish pas disa muajsh për kremtimin ekumenik të përvjetorit të Sinodit të Nikesë,” u shpreh Papa Leoni.
Rreth 300 peshkopë nga e gjithë Perandoria Romake morën pjesë në këtë sinod, i cili vendosi themelet e doktrinës që mbetet e përbashkët për shumë kisha të krishtera edhe sot.
“Simboli i Besimit që miratuan Etërit e Sinodit, së bashku me shtesat e bëra në Sinodin e Konstandinopojës në vitin 381, mbetet një trashëgimi e përbashkët për të gjithë të krishterët, për të cilët ai është një pjesë thelbësore e jetës së tyre liturgjike,” deklaroi Papa Leoni.
