Pas aksionit për lirimin e hapësirave pranë stadiumit “Air Albania”, policia ka nisur hetimet ndaj 7 administratorëve të lokaleve që kishin zënë trotuaret dhe vendkalimet këmbësore me tavolina, ulëse dhe çadra pa leje.
Gjatë aksionit u sekuestruan rreth 330 objekte, ndërsa një punonjës 40-vjeçar i një prej lokaleve u procedua në gjendje të lirë për kundërshtim ndaj inspektorëve gjatë veprimeve.
Materialet i janë dërguar Prokurorisë së Tiranës për veprime të mëtejshme, ndërsa kontrollet dhe verifikimet vazhdojnë.
