Kryeministri Albin Kurti në një konferencë i quajti kërcënuese, destabilizuese dhe krejtësisht të papranueshme deklaratat e presidentit serb, Aleksandër Vuçiç. Ditën e djeshme Vuçiç tha se do të përgjigjen “ashpër” pas ndalimit dhe paraburgosjes së zyrtarit serb në Kosovë.
“Kur një president dhe njëkohësisht një komandant suprem i ushtrisë së një shteti lëshon kërcënime publike me tone nxitëse të konfliktit, kjo nuk konsiderohet më si qëndrim individual, por si politikë shtetërore”, tha Kurti.
Ai tha se deklaratat e Vuçiç nuk duhet që të neglizhohen.
“Vijnë nga një udhëheqës që kontrollon aparatin ushtarak dhe strukturat e sigurisë së një shteti që historikisht ka shkelur të drejtat e popujve fqinj, përfshirë kryerjen e krimeve të luftës, krimeve kundër njerëzimit dhe gjenocidit”, tha ai.
