26 korriku është dita e fundit kur deputetët mund të konstituojnë Kuvendin e Kosovës brenda afatit që caktoi Gjykata Kushtetuese.
Ndërkohë ditën e nesërme do të jetë edhe seanca e radhës dhe e fundit për herë të 52-të. Në seancë do të marrin pjesë edhe ambasadorët e huaj.
“Duke qenë se nesër është mundësia e fundit për të konstituuar Kuvendin para afatit të Gjykatës Kushtetuese, ambasadori Rohde, së bashku me kolegë të tjerë ndërkombëtarë, planifikon të marrë pjesë në seancën në parlament”, ka njoftuar ambasada gjermane.
Ndërkohë presidentja Vjosa Osmani ka bërë një kërkesë në Gjykatën Kushtetuese në lidhje se çfarë do të ndodhë nëse nuk konstituohet Kuvendi.
