Zbardhen detaje të reja nga eksploziv që iu vendos një garazhi me makina mëngjesin e sotëm në Tiranë. Ngjarja ka ndodhur rreth orës 4 në rrugën “Peti”. Shpërthim me lëndë plasëse në portën hyrëse të garazhit në pronësi të 39-vjeçarit Elvis Kosova.
Nga shpërthimi janë shkaktuar dëme të mëdha materiale të automjete të parkuara. Nga pamjet e kamerave të sigurisë sipas të dhënave të paraprake autori duket në momentin që ka hedhur eksplozivin dhe më pas është larguar në këmbë.
Ende nuk dihen shkaqet e ngjarjes, por Elvis Kosova i njohur ndryshe si “Visi i garave” u arrestua në gusht të vitit të kaluar nga policia, pasi u akuzua për vjedhjen e një Audi R8 me vlerë rreth 200 mijë euro, por rezulton të jetë liruar disa ditë më vonë. Ai ka mohuar që të ketë konflikte në dëshminë paraprake.
