Ministria e Mbrojtjes evakuoi banorët e tre fshatrave Senicë, Vergo dhe Palavli pas situatës së zjarre në Delvinë. Një nga banorët u shpreh se zjarrfikësja nuk kishte ujë për të shuar flakët dhe si pasojë janë djegur shtëpitë.
“Unë erdha nga ora 9 e darkës dhe kur erdha, pashë që zjarrfikësja nuk kishte ujë. Ndoshta e ka harxhuar më parpara, se unë erdha vonë, por në ato momente zjarrfikësja ishte kot. Nuk kishte ujë për të shuar zjarrin. Disa orë më vonë, erdhi zjarrfikësja me ujë që ndihmoi jashtë mase. Ne kemi ndenjur gjithë natën duke shuar zjarrin dhe na janë djegur shtëpitë. Sepse jemi një fshat që nuk ka ujë dhe kemi probleme me rrugët brenda fshatit”, thotë banori i zonës.
Ndërsa drejtuesi i drejtuesi i Shtabit të Emergjencave Civile në prefekturën e Qarkut Vlorë, Robert Skëndaj u shpreh se katër vatra janë në kontroll të plotë.
“Dje kishim vetëm një situatë zjarri në Dukat. Këtë vatër e kemi nën kontroll të plotë. Problematik sot është vatra e zjarrit në Bashkinë e Delvinës, në afërsi të fshatit Senicë. Pati riaktivizim sot në Senicë, ku u nisën dy helikopterë. Në Ploç, vatra e zjarrit për dy orë kaloi nga aty në Smokthinë. Nuk kemi pasur dëme në njerëz, por kryesisht në pemëtari.”, tha ai.
