Kristjan Asllani duket se ka futur në siklet Interin. Sipas “La Gazzetta dello Sport”, klubi zikaltër është i zhgënjyer nga refuzimet e vazhdueshme të mesfushorit shqiptar për të pranuar transferime jashtë Serie A.
Një nga ofertat më konkrete ka ardhur nga Real Betis, me një propozim që do të kënaqte si klubin ashtu edhe nga ana financiare, por Asllani nuk ka pranuar të largohet.
Mesfushori 23-vjeçar është i vendosur të qëndrojë në Itali, edhe pse klubet që mund të përmbushin kërkesën e Interit prej 15 milionë eurosh janë të pakta. Situata mbetet e ndërlikuar, dhe e ardhmja e tij është ende e paqartë.
