Kancelari gjerman, Friedrich Merz, ka zhvilluar një bisedë telefonike me kryeministrin izraelit, Benjamin Netanyahu, ku shprehu shqetësim të thellë për situatën humanitare në Rripin e Gazës dhe bëri thirrje për një armëpushim të menjëhershëm.
Në deklaratën zyrtare nga Berlini theksohet se masat e marra nga qeveria izraelite duhet të ndiqen me hapa konkretë dhe të shpejtë. Gjermania, në bashkëpunim me Francën, Britaninë e Madhe, SHBA-në dhe partnerë të tjerë, po përgatit masa për të përmirësuar situatën në Gaza.
Gjithashtu, qeveria gjermane përsëriti se njohja e shtetit të Palestinës nuk është pjesë e axhendës së saj aktuale dhe mbetet një hap i fundit drejt zgjidhjes me dy shtete.
