Zbardhen detaje të reja në lidhje me ngjarjen në Pogradec ku një grua u gjet e pajetë në shtëpinë e saj. Por, zjarri në banesë në lagjen 1 të Pogradecit që i mori jetën dyshohet se është i qëllimshëm.
Burime nga grupi hetimor sqarojnë se ngjarja dyshohet të jetë kriminale. Nga këqyrja paraprake e trupit të viktimës, ekspertët mjeko ligjorë kanë konstatuar shenja të jashtme dhune.
Deri më tani, pista e hetimit është ajo e vrasjes për motive pronësie. 52 – vjeçarja Kozeta Teço u gjet e pajetë sot në mëngjes në banesën e saj, e cila ishte e djegur.
