Gjykata Themelore në Prishtinë ka shpallur aktgjykimin për katër të akuzuarit për sulmin terrorist ndaj Komisionit Komunal Zgjedhor (KKZ) në Mitrovicën e Veriut.
Milun Milenkoviq dhe Aleksander Vlajiq u dënuan me nga 5 vjet burg, ndërsa Dejan Pantiq u dënua me 2 vjet burgim për pjesëmarrje në turmë dhe huliganizëm.
Miomir Vakiq u shpall i pafajshëm dhe u lirua nga akuzat.
Vendimi që u shpall nga gjyqtari Valon Kurtaj, është një hap përpara në ndëshkimin e akteve terroriste në rajon.
Të akuzuarit janë gjithashtu të obliguar të paguajnë shpenzimet e procedurës dhe të kontribuojnë për kompensimin e viktimave.
Aktgjykimi për sulmin ndaj KQZ-së në Mitrovicë, 4 të akuzuar për terrorizëm
