Ish-presidenti i Rusisë, Dmitry Medvedev ka reaguar ashpër ndaj marrëveshjes së fundit të arritur mes Shteteve të Bashkuara dhe Bashkimit Evropian.
Medvedev e ka cilësuar atë si një akt “qartësisht anti-rus” dhe të ngjashëm me një ndalim të fshehtë të blerjes së naftës dhe gazit rus.
Medvedev tha se marrëveshja e re, e cila parashikon tarifa 15% për shumicën e produkteve të BE-së, nuk është e favorshme për askënd dhe e përkeqëson më tej marrëdhëniet ekonomike me Rusinë.
“Sigurisht, kjo ‘marrëveshje’ është anti-ruse dhe synon ndalimin e blerjes së burimeve tona natyrore,” shkroi ai, duke shtuar se presidenti amerikan Trump “i fshiu të gjitha” në raport me BE-në, por marrëveshja mbetet negative edhe për Rusinë.
