Ditën e djeshme një aksident ka ndodhur në jugperëndim të Gjermanisë. Një tren pasagjerësh doli nga rruga dhe si pasojë kanë humbur jetën tre persona dhe u plagosën dhjetëra të tjerë.
Sipas raportimeve të BBC, në zonën ku ndodhi aksidenti kishte rënë shi i dendur përpara ngjarjes.
Sasia e madhe e ujit shkaktoi tejmbushjen e një kanali kanalizimi të ujërave të zeza, duke sjellë rrëshqitje dheu dhe grumbullim materialesh të tjera mbi shinat e trenit. Ndër viktimat janë masinisti i trenit, një punonjës i hekurudhës dhe një pasagjer.
