Në orët e para të mëngjesit, rreth orës 05:00, zjarrfikësit e Gjirokastrës, bashkë me forcat e bashkisë, kanë nisur një operacion për të ndaluar përhapjen e zjarrit që po avancon nga zona e Delvinës drejt Gjirokastrës.
Në terren janë angazhuar 6 punonjës të MZSH Gjirokastër dhe 15 nga shërbimet publike të bashkisë.
Terreni i vështirë kërkon koordinim të lartë për të parandaluar rrezikun ndaj zonave të banuara dhe pyjeve.
Ndërkohë, situata në vargmalin Fushë-Bardhë – Zhulat, ku dje kishte vatra zjarri, është nën kontroll.
Zjarri atje është shuar, ndërsa në fshatin Zhulat po digjen disa trungje të mëdha, por pa rrezik për përhapje.
