Një ngjarje e pazakontë ka ndodhur në plazhin e njohur “Porto Palermos” ku një 25-vjeçar nga Kosova është arrestuar pasi dyshohet se ka vjedhur 1400 euro nga automjeti i një pushuesi.
Policia e Himarës bëri të mundur identifikimin dhe kapjen e autorit, A. S., i cili ka vepruar së bashku me një person tjetër ende të shpallur në kërkim.
Ata dyshohet se e kryen vjedhjen më 26 korrik 2025, duke përdorur një automjet tip Volkswagen për të larguar shumën e vjedhur.
Aktualisht shuma e parave dhe mjeti janë sekuestruar si prova materiale, ndërsa hetimet po vazhdojnë për të zbuluar identitetin e bashkëpunëtorit të dyshuar.
