Një ngjarje tragjike ka ndodhur në Pogradec, ku një 31-vjeçar ka vrarë me thikë 52-vjeçaren, K. T., dhe më pas ka djegur banesën e saj.
Sipas hetimeve të shpejta të policisë, ngjarja ka ndodhur më datë 28 korrik 2025, në lagjen nr. 1 të qytetit.
Fillimisht u dyshua se viktima kishte humbur jetën nga asfiksia për shkak të flakëve, por hetuesit zbuluan se shkaku i vdekjes ishte një goditje me thikë.
Përmes hetimeve të thelluara policia identifikoi autorin, I. S., 31 vjeç, që dyshohet të ketë pasur një lidhje intime me 52-vjeçaren për rreth tre vjet.
Pas vrasjes ai tentoi të fshihte krimin duke djegur banesën dhe u largua nga vendi i ngjarjes.
Pas arrestimit të tij në flagrancë, I. S. është akuzuar për “Vrasje për shkak të marrëdhënieve familjare”.
Çështja është referuar për veprime të mëtejshme në Prokurorinë e Korçës.
A e ke vrarë ti?/ Gruaja e gjetur në banesën, shoqërohet autori i dyshuar
