Kreu i pezulluar i KPP Jonaid Myzyri është paraqitur sërish sot në Prokurorinë e Posaçme për t’u marrë në pyetje.
Ai është akuzuar për tenderin e mirëmbajtjes së aksit Shpal-Ura e Repsit, me vlerë 2.29 milionë euro, ku ka dyshime për shkelje të barazisë në tendera dhe falsifikim dokumentesh.
Myzyri është në masën “detyrim paraqitjeje”, dhe ndaj tij, 10 persona të tjerë janë të pandehur, përfshirë edhe tre të akuzuar për falsifikim dokumentesh.
Hetimet kanë zbuluar se disa kompani kanë paraqitur dokumente të falsifikuara për të manipuluar procedurën e tenderit.
