Një 57-vjeçar u arrestua në hyrje të Shqipërisë, pasi akuzohet si pjesëtar i një grupi kriminal në fushën e kontrabandës së mallrave për të cilat paguhet akcizë.
Gjykata e Posaçme i ka caktuar 57-vjeçarit Gëzim Stërkeshi masën e sigurisë “arrest në burg” për veprën penale “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, kryer në kuadër të grupit të strukturuar kriminal.
Ndërkohë materialet procedurale i kaluan Prokurorisë së Posaçme.
