Janë hapur regjistrimet për klasat e 10-ta në arsimin profesional, njoftoi kryeministri Edi Rama përmes një postimi në rrjetet sociale.
Sipas tij të rinjtë mund të aplikojnë online në portalin e-Albania, ndërsa qeveria ofron mbështetje të veçantë për disa kategori nxënësish.
Përfitues të kësaj mbështetjeje do të jenë ata që zgjedhin degë prioritare, vijnë nga familje në nevojë, jetojnë mbi 5 km larg nga shkolla, apo kanë përfunduar vitin e kaluar me notë mesatare mbi 9.
Gjithashtu, përfshihen edhe nxënës nga grupe të veçanta sociale.
