Kryeministri Edi Rama ka folur sot për sfidat e sektorit të agroturizmit dhe ka theksuar se disa investitorë të turizmit janë duke vendosur çmime të larta, duke i larguar kështu klientët potencialë.
Ai ka shpjeguar se turizmi masiv, i cili nuk tërheq konsumatorë me të ardhura të larta, nuk është përfitues për ekonominë, dhe ka theksuar rëndësinë e mbajtjes së çmimeve të arsyeshme për të siguruar një zhvillim të qëndrueshëm.
“Nuk na duhet të bëhemi një destinacion i mbingarkuar i masës, që është një turizëm që sjell shumë njerëz por që nuk janë konsumatorë të lartë, por janë konsumatorë të ulët. Ne duhet të synojmë ato që konsumojnë shumë. Agroturizmat mund të bëhen transformuesit në këtë drejtim, duke prodhuar, duke mbajtur çmimet e ulëta”.
