Pas paralajmërimit të presidentit amerikan Donald Trump për vendosjen e sanksioneve të reja ndaj Rusisë nëse nuk ndalon lufta në Ukrainë, Kremlini reagoi duke thënë se Rusia është mësuar me këto masa dhe nuk frikësohet.
Zëdhënësi i Kremlinit, Dmitri Peskov, deklaroi se Rusia ka kaluar një periudhë të gjatë sanksionesh dhe ka zhvilluar një “imunitet” ndaj tyre, duke vijuar të monitorojë me kujdes deklaratat e SHBA-së dhe aktorëve të tjerë ndërkombëtarë.
Maria Zakharova, zëdhënëse e Ministrisë së Jashtme ruse, e cilësoi kërcënimin për sanksione të reja si “rutine” dhe kritikoi Perëndimin për mosmarrjen parasysh të dëmve që këto masa shkaktojnë ekonomive të tyre. Ajo tha se Rusia i përballon sanksionet dhe, në disa raste, i shfrytëzon si avantazh.
