Kryeministri i Kanadasë, Mark Carney, ka deklaruar se vendi i tij planifikon të njohë zyrtarisht shtetin e Palestinës në muajin shtator. Kështu Kanadaja bëhet shteti i tretë i G7-ës që do të njohë Palestinën.
Carney u shpreh se njohja do të zyrtarizohet gjatë punimeve të Asamblesë së Përgjithshme të Kombeve të Bashkuara në vjeshtë.
“Niveli i vuajtjes njerëzore në Gaza është i patolerueshëm dhe po përkeqësohet me ritme të shpejta”, deklaroi Carney përpara gazetarëve.
