Një automjet ka humbur kontrollin dhe është përplasur me një shtyllë elektrike pranë “Kthesës së Zhupanit” në aksin Fier-Levan.
Drejtuesi i makinës u dërgua me urgjencë në Spitalin Rajonal Fier, ku ndodhet jashtë rrezikut për jetën.
Në vendngjarje janë prezente policia dhe grupi hetimor për të sqaruar shkaqet e aksidentit, si dhe punonjës të OSHEE për riparimin e kabujve të tensionit të lartë, që ranë dhe pengojnë qarkullimin në këtë zonë të frekuentuar.
